Istoria Rede ba Rai

Fongtil (Forum Organizasaun Non Governamental de Timor-Leste) komensa iha tinan2001. Ba dala uluk iha grupu de trabalho tolu, ida mak servisu kona-ba kestaun rai iha Timor-Leste.

Tinan 2001 ba 2005 Rede ba Rai Fongtil nian focus ba actividade partikular;

• Halo advokasia ba governu halo lejislasaun kona-ba rai
• Ajuda ba membru hotu-hotu partisipia iha diskusaun kona-ba kestaun rai
• Halo Seminariu iha distritu kona-ba ema nian direitus ba rai.

Actividade barak ne'e focus liu-liu ba cazu specifiku (par ezemplu kona-ba konflitu ba rai Kafe nia laran iha Ermera)

Depois tinan 2005 organisasaun Fongtil nia rekonese katak iha preciza fo focus ba issue luak liu, entoun responsibilidade ba facilitadore Rede nian mak fo ba membru.

KSI servisu hanesan secretariat Rede nian husi tinan 2005 ba tinan 2008. Iha tempu ne'e Rede servisu;

• foti ho fahe informasaun kona-ba kestau rai nian
• Organiza diskusaun communidade kona-ba issue ne'e

Tinan 2004 organisasaun Lao Hamutuk mak halo facilitador ba grupu ba Philipino apprende no fahe informasaun kona-ba issue rai neba'a.

Tinan kotuk secretariat ba Rede troka husi KSI ba Fundasaun Haburas.

Foin daudaun rede ba rai halo decizaun iha enkontru tinan kotuk (Fulan Maio no Junu) fo aten-boot ba estratejia liu-liu kona-ba issue rai iha Timor-Leste.

Iha esforsu

• fahe informasaun ho persciza ba grupu no mos ba publicu,
• ajuda ba grupu halo objetivu no alvu specifika liu
• ajuda grupu hakiak ligasaun ba perscizadore, ba organizasaun seluk servisu ba rai iha nasaun seluk mos iha Timor, no mos ba governu Timor-Leste nian,

grupu ne'e emprega menthor ba Rede fundus mai husi Concern, Trocaire (membru Rede ba Rai) hamutuk ho Irish Aid. Menthor ne'e (naran Meabh Cryan) kommenca servisu iha fulan Dezembru tinan 2008, no servisu hamutuk ho Rede ba fulan Junu tinan 2009.

Se ita bo'ot buka informasaun liu kona-ba rede bele haruka email ba redebarai@gmail.com, ka bele mai kantor secretariat iha Fundasaun Haburas, Rua Celestino da Silva, Farol, Dili. Se ita hakarak kontaktu menthor bele haruka email ba meabhcryan@gmail.com

Informasaun ba istoria kiik ne'e kona-ba Rede ba Rai mai hui membrus differente no mos husi intervista ho ema servisu hamutuk ho Rede iha uluk. Ami sempre buka informasaun liu, sujestaun, kontribuisaun no korektasaun entoun favor ida fo sira kommentariu iha kraik, ka haruka ba meabhcryan@gmail.com.


Obrigadu ba tempu